📖 એક ટૂંકી મુસાફરી

 

આ પુસ્તક શ્રેષ્ઠ વાર્તાઓનો સંગ્રહ છે એટલે વાર્તામાં દમ છે...એક ટૂંકી મુસાફરી પણ જોરદાર છે, જેમ કોઈ ફિલ્મ અને વેબ સિરીઝ જેમ એન્ડિંગ કંઇક અલગ જ હોય એમ આ વાર્તા પણ છે.

તમને આપણી માતૃભાષા ગુજરાતી પસંદ છે? મને તો છે. મને ગુજરાતી લખવાની અને આવા પુસ્તકોની વાર્તા વાંચવાની મજા આવે.

લેખકની શબ્દો અને સ્ક્રિપ્ટ પર જોરદાર પકડ છે વાંચતી વખતે ખ્યાલ આવી જાય છે. લખવાની શૈલી સરસ છે.

જે વાર્તા વાંચીને આપણા હૃદયને જકજોરી દે, કંઇક લાગણીથી ભરી દે, એ દમદાર વાર્તા.

બસ એ લાગણી અનુભવવા જ આપણે આવી વાર્તા વાંચતા હોઈએ છીએ.

હું કિશોર અવસ્થામાં પણ ભુજની હમીસર તળાવ પાસે જે લાયબ્રેરી છે એમાં જતો. ત્યારે છાપાંઓમાં આવતી પૂર્તિના લેખો, મેગેઝિન વાંચતો. ખાસતો પ્રેરણાત્મક, જિંદગીની સફળતાને લગતાં અને એવું બધું. મહોમદ માંકડની "કેલિડોસ્કોપ" અને હરેશ ધોળકિયા ના લેખો, બી. એન. દસ્તુર એવું બધું વાંચતો. 

આજે ઉંમરની સાથે પસંદગી બદલાય છે. હવે શું સફળતા કે નિષ્ફળતા... મને તો અત્યારે તલાશ છે, રાગ ભૈરવી જેવી કોઈ વાર્તાના મીઠાશની.