🎹 Nitesh Goswami 💻

 જે લોકો સ્ટોક માર્કેટમાં અથવા મ્યુચુઅલ ફંડમાં રોકાણ કરે છે એમને "પોર્ટફોલિયો" એટલે શું એ ખબર હશે. પોર્ટફોલિયો મતલબ જાણે એક બેંક એકાઉન્ટ, જે તમે રોકાણ કરેલું છે એની બધી માહિત એમાં હોય, ક્યારે કેટલું અને અત્યારે એમાં શું વળતર છે એ બધી માહિતી દર્શાવે....  એમાં માર્ત્ર "પૈસા" ની વાત છે... મારા પૈસા! વધારે પૈસા!! ડિજિટલ પોર્ટફોલિયો પણ સ્ટોક માર્કેટ કે મ્યુચુઅલ ફંડ માત્ર એક "ડિજિટલ" વસ્તુ છે, જે તમે મોબાઈલ કે કોમ્પ્યુટરથી કરો છો. અને જ્યાં સુધી તમે એ તમારા પૈસાને ઉપાડતા નથી, ત્યાં સુધી તો એ માત્ર દેખાય છે, આવતા સમયમાં વધી પણ જાય અને ઘટી પણ જાય. શું ખબર ન કરે નારાયણ ને તમને કઈંક થઇ જાય તો એ તમારા "ડિજિટલ" પૈસા ત્યાંના ત્યાં "ડિજિટલ" જ રહી જાય! વાસ્તવિક પોર્ટફોલિયો પણ હું અહીંયા વાત કરવા માંગુ છું એક બીજા પ્રકારના "પોર્ટફોલિયો"ની જે ડિજિટલ નથી, પણ વાસ્તવિક છે. મને રસ છે કામ કરવામાં. ભલે તમે કોઈ પણ ધંધો કે નોકરી કરો, એમાં કોઈ પણ કામ કરો એ વાસ્તવિક હોય છે, જેની અસર સમાજમાં, એ કંપનીમાં, કોઈ વ્યક્તિ પર, કોઈ પરિસ્થિતિમાં પડે છે... તમે એક ...

   સોની લિવ પર ઇન્ડિયન આઇડોલ સીઝન 15 માં સ્નેહા શંકર એક પ્રખ્યાત ઠુમરી ગાઈ "યાદ પિયાકી આયે...." બહુ જ બહુ જ સુંદર... એ સાંભળીને બધાને આંખમાં આંશુ આવી જાય! શું જબરદસ્ત દર્દ છે આમાં... કારણ રાગ: કૌશિક ધ્વનિ (ભિન્ન ષડજ). હાર્મોનિયમ શીખતી વખતે આ રાગ મેં શીખેલું છે... થાટ બિલાવલનું રાગ છે, એમાં ફિલ્મી ગીતો નથી, ગઝલો છે.. બહુ પ્રચલિત રાગ નથી.... પણ આ એક જ ઠુમરી કાફી છે.... અદભુત કમલ છે... ખાસ કરીને સ્નેહાએ શું ગાયું છે... વાહ! અદભુત, જોરદાર, કમાલ ....♥♥♥

फूल और कांटे  ફિલ્મ તો આપણે ઘણાંએ જોઈ હશે... એનાં ગીતો આજે પણ સાંભળીયે છીએ. પણ અહીંયા એની વાત નથી કરવી. ગઈ કાલે હું સાંજે વોક પર નીકળ્યો ત્યારે જોયું કે એક ફૂલ વેચતો વેપારી પોતાની પાસે ફૂલો અને વજન કાંટો લઈને બેઠો છે! મારાં જેવા લોકો કે જે ને લખવાનો શોખ હોય એને એના પરથી કંઇક લખવાનું મન થાય!! ફૂલ જેને આપણે પસંદ કરીએ છીએ એની સુગંધ અને સૌંદર્ય ના કારણે. જે ભગવાનના ચરણો માં ચડે છે. પણ વેંચાય છે વજનથી! ફૂલ અને વજન કાંટો એકદમ વિરોધાભાષી છે.... ક્યાં સુગંધ અને સૌંદર્ય અને ક્યાં વજન....વજન તો પત્થર જેવી કઠોર વસ્તુનો હોય, ફૂલ જેવી કોમળ વસ્તુનો નહિ! જિંદગીમાં ઘણી વસ્તુ જે કોમળ છે એનો મહત્વ વધારે હોય છે, જેનો તોલ માપ ન હોય, જેને જોઈ ન શકાતી હોય. જેમ કે હવા. જેને આપણે શ્વાસમાં લઈએ છીએ અને જેના થકી આપણું અસ્તિત્વ છે.. એનો કોઈ વજન નથી! જેમ કે પ્રેમ. એનો કોઈ વજન ન હોય, તોલ માપ ન હોય... "તું મને કેટલો પ્રેમ કરશ?" એ પ્રશ્ન જ સાવ ખોટો છે.... પ્રેમનો તોલ માપ ન હોય, કોઈ વજન નથી કે એનો વજન કરીએ... શરીરનો વજન છે, જે સ્થૂળ છે. પ્રેમ સૂક્ષ્મ છે.... સુક્ષ્મનો મહત્વ સ્થૂળ કરતાં વધારે છે!

એક દિવસ હું મિત્રનો વોટ્સએપ સ્ટેટસ જોતો હતો, એ જૂના ગીતો પોસ્ટ કરતો હોય છે... એણે એક વખત આ ગીત પોસ્ટ કર્યું... આઈ આઈ આઈ તેરી યાદ આયી...1983 માં આવેલી રોમાન્સ ફિલ્મનું આ ગીત છે. સંગીત છે આર ડી બર્મનનું. રાગ છે ભૈરવી... શબ્દો અને પરિસ્થિતિ પ્રમાણે દર્દ છે, જુદાઈ છે. એને ધ્યાનમાં રાખીને રાગ ભૈરવી પસંદ કર્યું છે... જે બિલકુલ બંધ બેસે છે. અંતરામાં "આ ગયા ફૂલો કા મોસમ" ની શરૂઆત જ શુદ્ધ ગાંધાર થી કરી છે, શાસ્ત્રો પ્રમાણે કોમળ ગાંધાર લાગે છે, પણ ખૂબીની વાત એ છે કે ફિલ્મ અને એ સિવાય બારેય સ્વરોનો ઉપયોગ કરી શકાય છે. એટલે સંગીતકાર ને ઘણી સ્વતંત્રતા અને પોતાની સર્જન શક્તિ દેખાડવા માટે તક મળે છે....  આની પહેલાં મેં જગજીતસિંહ અને લતા મંગેશકરની ગઝલ "ધૂઆ બના કે ફિઝામે, ઉડા દિયા મૂજકો" વિષે લખ્યું હતું, એ પણ રાગ ભૈરવી અને એમાં પણ શુદ્ધ ગાંધાર અને એમાં પણ શુદ્ધ ગાંધાર... પણ છતાં કેટલું અલગ લાગે છે... આ જ જાદુ છે રાગ, સુર અને સંગીતનો.... આ ગીતનો સ્ટેટસ જોયું ત્યારે આ ગીત એટલો ગમ્યો કે એને મે મારી મોબાઇલનો રીંગ ટોન રાખી દીધો... શરૂ માં જે ફ્લૂટ વાગે ચેબે બહુ મસ્ત છે.....

આલ્બમ: સજદા જિંદગીમાં જો કોઈ એક જ વસ્તુ મને પસંદ કરવાની કહે તો હું શું કહું?  જવાબ મારો એકદમ સ્પષ્ટ છે... રાગ ભૈરવી.... કારણ આ જગજીતસિંહ અને લતા મંગેશકરનો આલ્બમ "સજદા".... ધુઆ બના કે ફિઝામેં ઉડા દિયા મુજકો..... શાંતિ છે, દર્દ છે, અને ભૈરવી નો એક અલગ જ સ્વરૂપ છે.... જગજીતસિંહ એ રાગ અને સૂરમાં કમાલ કર્યું છે તો લતા મંગેશકરે બહુ જોરદાર ગાયું છે.... ફિઝાજા મેં પર ભૈરવી માં શુદ્ધ ગાંધાર નો પ્રયોગ કરીને જબરદસ્ત કમાલ કરી છે.... વાહ.... જગજીતસિંહ વાહ.... ! 

  આમ તો ઘણાં બધાં ખૂબસૂરત અને સુગંધી ફૂલો છે... કુદરતમાં સૌંદર્ય અને વિવિધતાની કોઈ કમી નથી. પણ આપણે સૌ કોઈને પોતાની પસંદગી હોય છે. આ બધાં ફૂલોમાં મારી પણ એક પસંદગીનો ફૂલ છે - સૂર્યમુખી! કારણ? એને સૂર્ય સાથે સંબંધ છે.... સૂર્ય જ્યાં સૂર્યમુખીનો ચહેરો ત્યાં... એ પોતાની દિશા સૂર્ય સાથે બદલતો રહે છે.... સૂર્ય એક બહુ વિશાળ છે, પૃથ્વીથી અનેક ઘણો વિશાળ, એના કારણે જ પૃથ્વી પર જીવન છે. એ પ્રકાશ છે. અંધકારને દૂર કરે છે. ઊર્જાવાન છે. તાકાત છે. આશા છે. જીત છે. જ્યાં કો નિરાશા નથી. આગળ વધવાનો, ગતિનો પ્રતીક છે.... પોતે સ્થિર છે, પણ એના કારણે ગ્રહો એની પ્રદક્ષિણા કરે છે.સૂર્યમુખી સૂર્યનો દીવાનો છે. એને આ સૂર્યના ગુણો ગમે છે, એનાથી પ્રભાવિત છે. એનો નામ પણ એનાથી છે. મને સૂર્યમુખી ગમે છે, કારણ કે મને ગતિમાન હોવું ગમે, મને ઊર્જાવાન હોવું ગમે... મને આળસ અને લલ્લુ પંજુ હોવું ન ગમે. મને આગળ વધવું ગમે, કંઇક કરી બતાવવું ગમે. હું જ્યાં પણ હોઉં એમાં હું શું યોગદાન આપી શકું અને શું સારું કરી શકું એમાં મને રસ છે. લોકોની નિંદા કરવામાં અને આજુબાજુની પરિસ્થિતિમાં ફરિયાદો કરવાનું મને પસંદ નથી. હું હંમેશા રાજાની મ...