🐶🐕 "કુતરા" જેવી માનસિકતા 🐶🐕

શેરીના કૂતરાની માનસિકતા કેવી હોય..... એક શેરીનો કૂતરો, એ શેરીને પોતાનો ઇલાકો માને, એ શેરીમાં અલગ અલગ જગ્યા એ "પેશાબ" કરીને માર્કિંગ કરી લે.... એમાં બીજાને આવવાની મનાઈ. બીજો કોઈ કૂતરો એ બાજુ આવે તો એ શેરીના કુતરા એને ભગાડે, ભસે... મારામારી કરે.... આખો દિવસ આ હાલ્યા કરે.... બસ આ એની જિંદગી.. એ હિંસા...બીજો કૂતરો દુશ્મન, આ મારું, આ તારું, હું તને મારી વસ્તુ નહિ દઉં, મારા ઇલાકામાં આવવા નહિ દઉં. એમાં ક્યાંય હળી મળીને રહેવાનું, વહેંચીને ખાવાનું એ વાત ન હોય. સમજી શકાય છે.... આખરે એ કુતરા છે, પ્રાણી છે. એ લોકોમાં મનુષ્ય જેવી સમજ શક્તિ ન હોય....

પણ અમુક લોકોની માનસિકતા આવી જ હોય છે, તમે નોંધ કરી હશે. ઓફિસમાં આ "કલ્ચર" વધારે જોવા મળે. આ "મારું" કામ, આ "તારું" કામ. આ "મારો" ડિપાર્ટમેન્ટ, આ "તારો" ડિપાર્ટમેન્ટ. જો કોઈ નવો કર્મચારી આવે તો જલદી શીખવાડે પણ નહિ. જવાબ બરોબર ન આપે. એક અશુરક્ષા ની ભાવના, એક બીક, નવો વ્યક્તિ "મારી" ખુરશી, જગ્યા લઇ લેશે તો? અમુક જગ્યા એ એક ડિપાર્ટમેન્ટ માં એક જ વ્યક્તિ હોય... all in one, બધું પોતે જ કરે... બીજા કોઈને આવવા ન દે.... એ લોકોની monopoly, જિંદગીભર માટે એ લોકો પોતાની સુરક્ષા કરી લે...

આ લોકો આ રીતે પોતાની જગ્યા અને કામ માં પોતાનો "પેશાબ" કરી લે છે.... એનાથી એ લોકો "ગંધાય* છે.. "વાસ" મારે છે. એ લોકોની નજદીક જવાનું મન ન થાય.... બહુ નજદીક જાવ, કંઇક મદદ માંગો, એના કામની ભૂલ દેખાડો તો ભસે...! "કૂતરાની" માનસિકતા....!

એક બીજી માનસિકતા!

મને આ "કુતરા"ની માનસિકતાથી નફરત છે.... આ દુનિયામાં આપણે ખાલી હાથે આવ્યા છીએ, અને ખાલી હાથે જવાના... "મારું" મતલબ શું? કંઈ વસ્તુ કે વ્યક્તિ આપણા "માલિકી"ની છે? કંઈ જ નહિ! આ જ હકીકત છે, અને આ જ હકીકત ને કાયમ યાદ રાખવી જોઈએ!

ધરતીકંપ, કોરોના, મોરબીનો પુલ, રોડ એક્સિડન્ટ, હાર્ટ એટેક, વગેરે કોઈપણ અચાનક કોઈની પણ સાથે થઈ શકે છે.... આપણે રોજ સમાચારમાં જોઈએ છીએ.... અહીંયા કોઈ વ્યક્તિ "અમર* નથી.... કોઈ વસ્તુ કાયમી નથી..... તો પછી આ "મારું" આ "તારું" ને અસુરક્ષાની ભાવના શું કામ રાખવી.... આપણા નસીબ માં હશે એને કોઈ છીનવી નથી લેવાનું, અને જે નસીબ માં નહિ હોય, એ કોઈ દેવાનું નથી....

આપણી હયાતી માં જ આપણે કમ્પ્યુટર માં શું કામ કર્યું છે, કંઈ વસ્તુ ક્યાં રાખી છે, શું પાસવર્ડ છે, એ બધું શેર કરી દેવાનું... એટલે આપણે ગયા પછી આપણે કરેલી મહેનત, આપણું કામ વ્યર્થ ન જાય, બીજાને કામ આવે...! આવી માનસિકતા હોવી જોઈએ....અને મે આવી જ માનસિકતા રાખી છે... મેં ઓફિસની કોઈ વસ્તુ, કામ, જવાબદારી ને "મારું" માંની "પેશાબ" નથી કર્યું.... એમાં કોઈ વાસ નથી... 

મને "સુગંધ" પસંદ છે! હું તો બીજાને શીખવાડું, મારી પાસે જે હોય તે બીજા સાથે શેર કરું.... હા એમાં ક્યારેક ધોખો થઈ શકે છે અને થાય છે, એ દુઃખ સહન કરવું પડે. લોકો ને કદર ન હોય એ બની શકે.... પણ છતાં મને આ મારગ પસંદ છે..... "કૂતરાની" ની માનસિકતા વારો મારગ બિલકુલ પસંદ નથી!

If you are more fortunate than others, it is better to build a longer table than a taller fence.