અનંત મહારાજ અને નૂતન બેન (આઇય નગર)

 *અનંત મહારાજ* (આઇય નગર)

અમારા આઇયાં નગરના પૂજારી લગભગ 3 વર્ષ પહેલા ગુજરી ગયા. મોટી ઉંમર લગભગ 75+ હશે. હસમુખો સ્વભાવ. એમણે મંદિરમાં સુવિચાર લખી શકાય એ માટે એક બ્લેક બોર્ડ બનાવ્યો. રોજ સવારે સુવિચાર લખે. મંદિરમાં સેવા કરતાં કરતાં ભજનો ગાતા હોય. પોતાની મોજમાં હોય. હું એમને "જય શ્રીકૃષ્ણ" કહું તો એ મને કહે... "હો.. જય શ્રીકૃષ્ણ... પ્રભુ...!" એમના ઉત્સાહ, અને ચહેરાને જોઈને જોશ આવી જાય! શેરી માંથી આવજા કરે તો એક જોશ, સંતોષ અને આનંદથી ભરપૂર વ્યક્તિત્વ...! મને આવા લોકો ગમે, એમનાથી હું પ્રભાવિત થઈ જવું.

આવા લોકો મને ક્યારે "માપ્યો" નથી કે મારી ઔકાત શું? મારા નામની પણ એમને ખબર નહિ હોય... હું શું કામ કરું છું, કેટલો ભણ્યો, કેટલો પગાર, શું હોદો... કંઈ જ નહિ.... બસ! ચહેરા પર સ્મિત સાથે બોલાવે... ! એની મજા...

*નૂતન બેન* (આઈય નગર)

લગભગ 65 આજુબાજુના અમારી બાજુમાં રહેતા, થોડાં જાડા, હાલવા માં તકલીફ પડે, એવા અનંત મહારાજ જેવા હસમુખા બહેન.. શેરીમાંથી પસાર થતાં, દરેકને પ્રેમથી "જય શ્રીકૃષ્ણ" કહે... આદિ આવડી વાતો કરે... મજા આવે... એમણે પણ મારો નામ, કામ, પગાર, કંઈ ખબર નહિ હોય..... મારી બાઈક એમના ઘરની સામે હોય એટલે ક્યારેક મળે અને વાતો કરે.... એ કોઈ વ્યક્તિને judge નાં કરે.... ! બસ એ જ મને ગમે!

સમાજ આવો હોવો જોઈએ...! એકબીજાને પ્રેમથી બોલાવે! શું નામ, શું અટક, શું નોકરી, શું હોદો, શું પગાર, ટુ વ્હીલર, ફોર વ્હીલરથી તમને માપે નહિ..!

Popular posts from this blog

રાગ ભૈરવી અને જગજિત સિંહ 🎹 અપને ચેહરે સે જો ઝાહિર હૈ, છૂપાયે કૈસે.....

Image
આલ્બમ: cry  for cry ગીત: અપને ચેહરે સે જો ઝાહિર હૈ, છૂપાયે કૈસે..... Child Rights and You (CRY) is the best NGO for children in India that works towards creating happier and healthier childhoods for underprivileged children. CRY બાળકો પર કામ કરતી સંસ્થા માટે જગજિતસિંહે એક આલ્બમ લોન્ચ કર્યું હતું - CRY FOR CRY - 1995 માં  આ આલ્બમની દરેક ગઝલો ના શબ્દો બહુ જોરદાર અને ચોટદાર છે. અને સંગીત થોડું દર્દ ભર્યું અને ગમગીન છે... આ ગઝલોને ઘણીવાર સાંભળી છે. અને હવે સમજાય છે કે મને આ શા માટે ગમે છે. શું જાદુ છે અને સંગીતમાં... જાદુ છે રાગ ભૈરવીનો.... જગજિતસિંહની ભૈરવી આખી અલગ છે, થોડી દર્દ વાળી , ગમગીન પણ મનને સુકુન આપતી, અને મીઠી લાગતી. કોઈ ઉતાવળ નથી. ભૈરવીના બધા સરસ સ્વરો અને જગજિતનો મખમલી અવાજ.... વાત જ કૈંક અલગ છે....       अपने चेहरे से जो ज़ाहिर है छुपाएँ कैसे तेरी मर्ज़ी के मुताबिक़ नज़र आएँ कैसे घर सजाने का तसव्वुर तो बहुत ब'अद का है पहले ये तय हो कि इस घर को बचाएँ कैसे क़हक़हा आँख का बरताव बदल देता है हँसने वाले तुझे आँसू नज़र आएँ कैसे कोई अपनी ही नज़र से तो हमें देख...
Read more

🌻સૂર્યમુખી🌻

Image
  આમ તો ઘણાં બધાં ખૂબસૂરત અને સુગંધી ફૂલો છે... કુદરતમાં સૌંદર્ય અને વિવિધતાની કોઈ કમી નથી. પણ આપણે સૌ કોઈને પોતાની પસંદગી હોય છે. આ બધાં ફૂલોમાં મારી પણ એક પસંદગીનો ફૂલ છે - સૂર્યમુખી! કારણ? એને સૂર્ય સાથે સંબંધ છે.... સૂર્ય જ્યાં સૂર્યમુખીનો ચહેરો ત્યાં... એ પોતાની દિશા સૂર્ય સાથે બદલતો રહે છે.... સૂર્ય એક બહુ વિશાળ છે, પૃથ્વીથી અનેક ઘણો વિશાળ, એના કારણે જ પૃથ્વી પર જીવન છે. એ પ્રકાશ છે. અંધકારને દૂર કરે છે. ઊર્જાવાન છે. તાકાત છે. આશા છે. જીત છે. જ્યાં કો નિરાશા નથી. આગળ વધવાનો, ગતિનો પ્રતીક છે.... પોતે સ્થિર છે, પણ એના કારણે ગ્રહો એની પ્રદક્ષિણા કરે છે.સૂર્યમુખી સૂર્યનો દીવાનો છે. એને આ સૂર્યના ગુણો ગમે છે, એનાથી પ્રભાવિત છે. એનો નામ પણ એનાથી છે. મને સૂર્યમુખી ગમે છે, કારણ કે મને ગતિમાન હોવું ગમે, મને ઊર્જાવાન હોવું ગમે... મને આળસ અને લલ્લુ પંજુ હોવું ન ગમે. મને આગળ વધવું ગમે, કંઇક કરી બતાવવું ગમે. હું જ્યાં પણ હોઉં એમાં હું શું યોગદાન આપી શકું અને શું સારું કરી શકું એમાં મને રસ છે. લોકોની નિંદા કરવામાં અને આજુબાજુની પરિસ્થિતિમાં ફરિયાદો કરવાનું મને પસંદ નથી. હું હંમેશા રાજાની મ...
Read more

પોર્ટફોલિયો

Image
 જે લોકો સ્ટોક માર્કેટમાં અથવા મ્યુચુઅલ ફંડમાં રોકાણ કરે છે એમને "પોર્ટફોલિયો" એટલે શું એ ખબર હશે. પોર્ટફોલિયો મતલબ જાણે એક બેંક એકાઉન્ટ, જે તમે રોકાણ કરેલું છે એની બધી માહિત એમાં હોય, ક્યારે કેટલું અને અત્યારે એમાં શું વળતર છે એ બધી માહિતી દર્શાવે....  એમાં માર્ત્ર "પૈસા" ની વાત છે... મારા પૈસા! વધારે પૈસા!! ડિજિટલ પોર્ટફોલિયો પણ સ્ટોક માર્કેટ કે મ્યુચુઅલ ફંડ માત્ર એક "ડિજિટલ" વસ્તુ છે, જે તમે મોબાઈલ કે કોમ્પ્યુટરથી કરો છો. અને જ્યાં સુધી તમે એ તમારા પૈસાને ઉપાડતા નથી, ત્યાં સુધી તો એ માત્ર દેખાય છે, આવતા સમયમાં વધી પણ જાય અને ઘટી પણ જાય. શું ખબર ન કરે નારાયણ ને તમને કઈંક થઇ જાય તો એ તમારા "ડિજિટલ" પૈસા ત્યાંના ત્યાં "ડિજિટલ" જ રહી જાય! વાસ્તવિક પોર્ટફોલિયો પણ હું અહીંયા વાત કરવા માંગુ છું એક બીજા પ્રકારના "પોર્ટફોલિયો"ની જે ડિજિટલ નથી, પણ વાસ્તવિક છે. મને રસ છે કામ કરવામાં. ભલે તમે કોઈ પણ ધંધો કે નોકરી કરો, એમાં કોઈ પણ કામ કરો એ વાસ્તવિક હોય છે, જેની અસર સમાજમાં, એ કંપનીમાં, કોઈ વ્યક્તિ પર, કોઈ પરિસ્થિતિમાં પડે છે... તમે એક ...
Read more